لاہور(مانیٹرنگ رپورٹ)دو دھاری تلوار بنانا ہک پرانا وطیرہ پئی جیہڑے دھرنا ون اتے دھرنا ٹو ویلے در وٹی بیٹھے سن اوہ اج ٹپ ٹپ گلاں کر رہے نیں۔شہری حقاں تے دہائیاں پاون والے پہلاں کیوں چپ رہندے سن اتے اج کیوں رولا پا رہے نیں۔عمران تے قادری ہوراں جس گاندھی سیاستاں دا نیہہ پتھر رکھیا سی فیض آباد دھرنا اوس دا نواں بوتھا۔ پر سرکار لال مسیت تے ماڈل ٹاؤن دا ایکشن ری پلے نہیں چاہندی۔ عمران کیوں دھرنا مکاون دی اپیل نہیں کیتی؟داخلہ وزارت ریاست دی طاقتاں نوں ورتن نوں اخیری گل سمجھدی ہے پر میڈیا اونج ہی کھپ

پا رہیا ہے جنج لال مسیت توں پہلاں کھپ پاندا رہیا سی۔اپوزیشن وی اڈیک وچ ہے کہ کوئی نواں ایشو انہاں نوں مل جائے۔کیہہ کوئی داخلہ وزیر نوں سبق سکھانا چاہندا ہے؟ایہہ دودھاری تلوار انہاں لئی ہے؟ پر جداں اپوزیشن در وٹی رہے گی تے میڈیا گالاں کھاون بعدوں نری ریاستی رٹ اتے شہری حقاں دی گل کردا رہے گا تے اوہ وی ہشیار مہماں وچ ہی رہن گے۔اج علماء دے وفد دی تھاں پارلیمانی وفد جانا چاہیدا سی جس نوں اپوزیشن لیڈر لیڈ کردے۔ہر کوئی اپنی اپنی ڈفلیاں وجا رہیا ہے۔