لاہور(مانیٹرنگ رپورٹ)سری لنکن ٹیم تے حملہ اوس ویلے ہویا سی جداں پنجاب وچ25فروری 2009 توں گورنر راج چل رہیا سی تے 3مارچ نوں ایہہ وقوعہ ہویا۔لہور شہر وچ اک وارداد کر کے ملزماں دا لبرٹی چوک توں دوڑ جانا ساڈے اداریاں بارے وڈے سوال چکدا سی۔پر ایسے مسلیاں تے کوئی جے آئی ٹی نہیں بنائی جاندی۔ ایہہ کیس اٹھ سالاں توں انسداد دہشت گردی چلی جا رہیا ہے اتے کل ایس بارے ایہہ خبر چلی ہے جس توں انصاف تے تقتیشاں دے اداریاں بارے جاننا اوکھا نہیں۔ خبر وچ دسیا گیا ہے کہ انسداد دہشت گردی دی خصوصی عدالت نے سری لنکن ٹیم حملہ کیس دے دو ملزمان عبیداللہ تے ابراہیم خلیل نوی بری کردتا۔لہور دی انسداد دہشت گردی دی خصوصی عدالت وچ سری لنکن ٹیم حملہ کیس دی پیشی ہوئی جس وچ ملزمان عبیداللہ تے ابراہیم خلیل دے وکیل رانابلیغ ایڈووکیٹ نے دلائل دیندے ہوئے آکھیا کہ ملزماں تے سری لنکن ٹیم تے حملہ کرن والے دہشت گرداں نوں اسلحہ تے تربیت فراہم کرن دا الزام ہے۔ ملزمان دے وکیل نے موقف اختیار کیتا کہ ملزمان دے خلاف سارے الزام جھوٹھے تے بے بنیاد نیں، لہذا ملزماں نوں بری کیتا جائے جس تے عدالت نے سری لنکن ٹیم حملہ کیس وچ نامزد دو ملزمان عبیداللہ تے ابراہیم خلیل نوں بری کرن دا حکم دے دتا۔آکھیا جاندا ہے کہ ایس حملہ وچ ملوث ملزمان یا تے پلس مقابلیاں دوران مارے گئے سن یا مشرقی افغانستان نیڑے اک فوجی کاروائی دی نظر ہوئے سن۔