پنجاب : 16673 ایجوکیٹراں، 60افسراں دی بھرتی ۔نوجوان کڑیاں منڈے اتے سپیشل لوک تیار
2017 ,نومبر 1
لاہور(مانیٹرنگ رپورٹ)حکومت پنجاب نے صوبے بھر وچ نویں 16673 سکول ایجوکیٹراں نوں بھرتی کرن دا فیصلہ کیتا ہے جداں کہ 60 مرد تے عورتاں اسسٹنٹ ایجوکیشن افسراں دی وی بھرتی کیتی جائے گی۔ ایجوکیٹراں دی بھرتیاں لئی درخاستاں 15 نومبر 2017 تک لتیاں جان گیاں۔انہاں بھرتیاں وچ بی ایڈ تے ایم ایڈ دی شرط نہیں رکھی گئی سگوں امیدواراں دا ایم اے تے ایم ایس سی ہونا لازمی ہے۔ این ٹی ایس ٹیسٹ دے بعد کامیاب امیدواراں دے انٹرویو ہون گے جداں کہ مرد امیدواراں لئی عمر 35 سال اتے زنانی امیدواراں لئی 38 سال عمر دی ودھ توں ودھ حد ہے۔چنگی گل ایہہ ہے پئی سرکار نے سپیشل لوکاں نوں وی بھرتی کرن دا فیصلہ کیتا ہے ا تے اجہے امیدواراں لئی عمر حد 40 سال تک رکھی گئی ہے۔ ایس توں اڈصوبے وچ 60 اسسٹنٹ ایجوکیشن افسراں دی بھرتی لئی وی تعلیمی قابلیت گھٹ وگھٹ ایم اے تے ایم ایس رکھی گئی ہے۔ محکمہ تعلیم توں ای ایس ای تے ایس ای ایس ایجوکیٹر و ی درخاستاں دے سکدے نیں۔ماہرین دا آکھنا ہے پئی نویں بھرتی ہون والیاں نوں انہاں دے کم دے حوالے نال لمیری تربیتاں دتیاں جان گیاں۔