ملک بھر وچ سکیورٹی سخت، لوکاں نوں شناختی کارڈ کول رکھن دی ہدایت

لاہور(منیٹرنگ)سیہون شریف دھماکے مگروں قانون نافذ کرن والے اداریاں نے سکیورٹی سخت کر دِتی اے۔ تفصیل دے مطابق لاہور وچ ڈی آئی جی آپریشنز حیدر اشرف نے ناکیاں اُتے سکیورٹی سخت کرن دے نال نال مشکوک بندیاں دی چیکنگ دی ہدایت وی کیتی اے۔ اوہناں نے آکھیا کہ شہری سفر دوران اپنے شناختی کارڈ اپنے نال رکھن۔ یاد رہوے کہ اج سیہون شریف وچ لعل شہباز قلندر دی درگاہ اُتے دھماکے سنے پچھلے 5دِنا دوران 7واں دہشت گردی دا واقعہ اے۔ جہدے پاروں ملک بھر دیاں سرکاری بلڈنگاں تے حساس علاقیاں دی سکیورٹی ہور سخت کر دِتی گئی اے۔