لاہور (مانیٹرنگ رپورٹ) اینج جاپدا ہے پئی چینیاں مودی نوں ویزا دین دی شرط ایہو رکھی سی تے جنج ہی اوس فوجاں نوں واپس بلاون دا اعلان کیتا تے مودی نوں چین یاترا لئی بلا لتا گیا۔جے تڑیاں توں بعدوں فوجاں بلانیاں سن تے فوجاں گھلنیاں ہی نہیں سن۔نہرو تے فیر جنگ لڑن توں بعدوں ہتھیار سٹے سن پر مودی ہوری تے جنگ توں پہلاں ہی مک مکا کر لتا۔ڈو کلام اک متنازعہ تھاں ہے اتے چین تے بھوٹان وچ ایس بارے جھیڑے نیں۔ہورے ڈوکلام تاں مارے ایس تھاں دا ناں ہے کیونجے ایتھے دو زباناں تے دو دھرم ملدے نیں۔ ایتھے نتھو درہ بہو

ں مشہور تھاں ہے جتھوں بدھ مت تے ہندواں دے یاتری آندے جاندے نیں۔بھارتیاں پہلاں تے ایہہ آکھیا سی پئی اوہ بھوٹان دی مدد کرن ڈو کلام فوجاں گھلیاں نیں پر ہن پتہ چلیا پئی گوجاں نوں اگے لا کے مودی چین دا ویزہ لینا چاہندا سی۔لگدا ہے مودی سرکار نوں سمجھ آرہی ہے پئی چین نال پنگا بہوں مہنگا پئے گا۔ افغانستان تے پاکستان نوں اک میز تے بٹھاون بعدوں ایہہ دو دناں وچ چین دی دوجی وڈی کامیابی ہے۔پاکستان، انڈیا، افغانستان تے ایران دا مستقبل ایس سی او نال جڑیا ہے۔ جے ایس سی او دے سارے ملک اک مک ہو گئے اتے چینی پردھانی من لتی تاں ہمالہ دے چشمے ابلن لگن گے۔