لاہور(مانیٹرنگ رپورٹ)کل جداں میڈیا تے کھپ پئی اتے سب نے جے آئی ٹی دے قطر نہ جاون نوں رگیدیا تے اج ہن جے آئی ٹی قطر یاترا تے ہے۔ خبراں وچ دسیا ہے کہ دو بندے پاکستان توں دبئی توں ہوندے ہوئے قطر جان گے اتے انہاں وچوں اک دبئی رکے گا تے دوجا دوہا جا سی تے شہزادے نال مل سی۔جے آئی ٹی والیاں دس تریخ نوں اپنی رپورٹ سپریم کورٹ جمع کروانی ہے اتے کل وزیراعظم دی دھی رانی جے آئی ٹی وچ پیش ہوئے گی۔ایہہ پیشی اک ایسی تریخ وچ آئی ہے جس نے جے آئی ٹی نوں ضیا الحق بنا چھڈیا ہے کہ اج توں 40 ورہے پہلاں ایس ملک وچ 5جولائی دے دیہاڑ ضیا الحق نے غیر ملکی آقاواں نوں خش کرن لئی بھٹو دی چونویں سرکار توڑی سی۔قطری مہم اک ایسے ویلے جے آئی ٹی نوں سر کرنی پئے رہی ہے جداں سعودی عرب تے قطر جنگ لئی تیار نیں۔ایس لڑائی دا اثر جے آئی ٹی تے پیندا نظر آیا تاں گل ہور کھلر جا سی۔ جو وی ہونا ہے اوہ ہن سپریم کورٹ وچ سامنے آندا ہے یا فیر کوئی لیکس آون گیاں ایس بارے اگلے چار دناں وچ سب نوں لگ پتہ جا سی۔بہرحال دس جولائی فیصلے دا دن نہیں سگوں لڑائی دے فیصلہ کن مرحلے وچ وڑن دا دن زرور ہے۔