کلثوم دے کاغذات چیلنج:پہلے بھٹو خاندان، ہن شریف خاندان۔سٹیبلشمنٹ دے پرانے وطیرے
تحریر: فضل حسین اعوان
| شائع اگست 15, 2017 | 12:12 شام
لاہور (مانیٹرنگ رپورٹ)بھٹو خاندان دا بیہہ مکان وچ کئی دہاکے اتے ریسورسز لاون والی سٹیبلشمنٹ ہن نویں ایجنڈے پاروں شریف خاندان دے مگر ہے۔کل شریفاں نوں ورتیا سی اتے اج پی پی پی نوں کہ سٹیبلشمنٹ ہر صورت فیدے وچ۔62تے63دا گھما اک وار فیر چلاون دی تیاریاں۔ایس نال گند ہور ودھے گا۔کلثوم نواز دے خلاف دتی درخاست وچ آکھیا گیا پئی کلثوم ہوراں اپنا اقامہ شو نہیں کرایا۔ایہہ درخاست عوامی تحریک توں دوائی گئی ہے جس دا آپدا سربراہ کینیڈین شہری ہے۔جداں دہری شہریتاں والے نوں اسمبلی رکنیتاں نہیں مل سکدیاں تاں اوہ
اک سیاسی پارٹی دا سربراہ کنج بن سکدا ہے؟ عوامی تحریک دے اشتیاق چوہدری ولوں ریٹرنگ افسر محمد شاہد کول اعتراض لایا گیا ہے۔شریف خاندان دا بیہہ مکاون دی کوششاں جاری پر سوال ایہہ ہے کیہہ سٹیبلشمنٹ بھٹو خاندان دا بیہہ مکا چکی ہے؟اجہے پرانے وطیرے انہاں چھلاویاں نوں ہی ایکسپوز کردے نیں جیہڑے آپ نوں ملک دا اکلا مالک سمجھدے نیں۔
