اپوزیشن نوں سعودی اتحاد دی مخالفت یادآہی گئی۔اتحاد وچ جان نال اوکڑاں ودھ گیاں۔خورشید شاہ
تحریر: فضل حسین اعوان
| شائع جون 13, 2017 | 16:06 شام
لاہور (مانیٹرنگ رپورٹ)کجھ دن پہلاں پی ٹی آئی دی شیریں مزاری نے سعودی امریکی اتحاد توں نکلن دی گل کیتی سی اتے ہن اپوزیشن لیڈر خورشید شاہ وی قومی اسمبلی وچ ایہو آکھ رہے نیں پر پچھلے پنج ہفتیاں توں دوناں نوں ایہہ سب بھلیا رہیا۔قومی اسمبلی وچ بجٹ تے گل بات کردے ہوئے شاہ ہوراں قطری سعودی جھیڑیاں بارے تنقیداں کر ہی دتیاں۔ انہاں آکھیا کہ خلیج وچ حالات بہوں خراب ہو گئے نیں۔ اپوزیشن پہلے دن توں ایہہ مطالبہ کر رہی سی کہ پاکستان نوں سعودی اتحاد دا حصہ نہیں بننا چاہیدا سی۔ اج ایس دا حصہ بنن دی وجہ توں پا
کستان دی اوکڑاں وچ ہور وادھا ہوگیا ہے۔ اسی چاہندے ہاں کہ ایس معاملے تے ایوان وچ ہر پکھ نال پوری بحثاں ہون۔ مشرق وسطیٰ دی صورت حال وگڑ رہی ہے تے پاکستان خاموشی اختیار کیتے ہوئے ہے۔ پاکستان نوں غیر جانبداری نال اسلامی ملکاں وچ اتحاد لئی کوششاں کرنی چاہیدیاں نیں۔
