لاہور(مانیٹرنگ رپورٹ) ڈاکٹر عاصم جیو نیوز وچ جیہڑیاں گلاں کیتیاں نیں اوہ سکیورٹی اداریاں دی کارکردگیاں بارے سوال چک رہیاں نیں۔ جے انصاف دا ایہو طریقے نیں تے فیر سوال وادھوتے ہون گئے۔نہ جے آئی ٹی بنی تے نہ سوموٹو آیا۔ آرمی چیف قمر زمان باجوہ ہوراں آکھیا ہے پئی ہن پاکستان قنون دی حکمرانیاں ول ودھ رہیا ہے۔رینجرز نے ڈاکٹر عاصم دے الزاماں نوں نہیں منیا پر ایس بارے تحقیقاں کون کرے گا؟ ڈاکٹر عاصم نوں کنج چکیا گیا، کنج دستاویزاں نوں بدلیا گیا تے کنج لوکاں تے عاصم خلاف بیان دوان لئی پریشر پایا ایس سب بارے جے آئی ٹی بناؤ یا فیر سینیٹ تے قومی اسمبلی دی سانجھی پارلیمانی کمیٹی بناؤ۔مشرف کیس قنون دی حکمرانیاں توں انکار دی علامت بن چکیا ہے۔مشرف آکھیا ہے کہ فوج میرے مگر ہے تے آئی ایس پی آر اوس دی تردیداں نہیں کردا۔عاصم تے مشرف دونوں کراچی دے نیں پر اک لئی قنون ہور تے دوجے لئی ہور۔من مرضی دا انصاف قنون دی حکمرانیاں دا ویری۔