امریکی صدر بھی عمران خان کے سحر میں گرفتار۔۔۔ پاکستانیوں اور کپتان کی تعریفوں کے پُل باندھ دیئے

واشنگٹن (مانیٹرنگ ڈیسک ) امریکی صدر ڈونلڈ ٹرمپ کا کہنا ہے کہ پاکستان کی سابقہ حکومت نے امریکہ کے ساتھ تعاون نہیں کیا جس کے باعث ان کی امداد بند کی،عمران خان کے وزیر اعظم بننے کے بعد سے اس ملاقات کا منتظر تھا، آپ سے پہلے ہمارے لیے پاکستان کچھ نہیں کررہا تھا بلکہ ہمارے ایجنڈے کے خلاف کام کر رہا تھا۔ وزیر اعظم پاکستان عمران خان کے ہمراہ وائٹ ہاﺅس میں میڈیا سے گفتگو کے دوران ایک صحافی نے ٹرمپ سے سوال کیا کہ ’ آپ نے کولیشن سپورٹ فنڈ کی مد میں پاکستان کی امداد بند کردی تھی، کیا آپ یہ امداد بحال کریں گے۔‘ صحافی کے سوال پر امریکی صدر نے کہا کہ وہ پاکستان کو ایک اعشاریہ 3 ارب ڈالر کی امداد دینا چاہتے تھے لیکن سابقہ حکومت نے ہمارے ساتھ تعاون نہیں کیا۔انہوں نے عمران خان کی طرف دیکھتے ہوئے کہا کہ وزیر اعظم بننے کے بعد سے اس ملاقات کا منتظر تھا، آپ سے پہلے ہمارے لیے پاکستان کچھ نہیں کررہا تھا بلکہ ہمارے ایجنڈے کے خلاف کام کر رہا تھا۔ ہم پاکستان کے ساتھ بہت ہی اہم چیزوں پر کام کررہے ہیں، پاکستان ایک عظیم ملک ہے اور وہاں کے لوگ عظیم ہے۔صدر ٹرمپ نے پاکستانی لوگوں کی تعریف کرتے ہوئے بار بار اپنے جملے داہرئے اور کہا کہ پاکستانی لوگ بہت ہی محنتی ہیں، وہاں میرے بہت سے دوست ہیں، پاکستانی لوگ بہت ہی سمارٹ اور سخت جان ہیں۔ ڈونلڈ ٹرمہپ نے عمران خان کو پاکستان کا مقبول ترین وزیر اعظم قرار دے دیا ۔ امریکی صدر ڈونلڈ ٹرمپ کا کہنا ہے کہ وزیراعظم پاکستان عمران خان سے ملاقات انتہائی اہم ہے، عمران خان مجھے دعوت دیں میں پاکستان آنے کو تیار ہوں،افغانستان میں اپنی فوج کی تعداد کم کررہے ہیں،‏میری اور عمران خان کی نئی قیادت آئی ہے۔ وزیراعظم پاکستان عمران خان سے ملاقات انتہائی اہم ہے، عمران خان مجھے دعوت دیں میں پاکستان آنے کو تیار ہوں،افغانستان میں اپنی فوج کی تعداد کم کررہے ہیں،‏میری اور عمران خان کی نئی قیادت آئی ہے۔پاکستان مستقبل میں افغانستان میں لاکھوں جانیں بچانے کا سبب بنے گا۔امریکی صدر ڈونلڈڈ ٹرمپ کی جانب سے وزیر اعظم عمران خان کو پیشکش کی گئی کہ وہ وہ کشمیر کے مسئلے پر ثالثی کرنے کو تیار ہیں اور اس کے لیے وہ وزیراعظم مودی سے بات کریں گے، صدر ٹرمپ نے شکیل آفریدی کے بارے میں کہا کہ وہ اس پر ملاقات میں بات کریں گے۔‏اگر میں مدد کرسکا تو مسئلہ کشمیر پر ثالث کا کردار ادا کرنا پسند کروں گا، پاکستان ماضی میں امریکا کا احترام نہیں کرتا تھا لیکن اب ہماری کافی مدد کررہا ہے ، پاکستان اب افغانستان میں ہماری کافی مدد کررہا ہے۔ اس موقع پر وزیر اعظم عمران خان کا کہنا تھا کہ پاکستان امریکہ سے جو وعدے کرے گا انہیں نبھائے گا، پاکستان جلد امریکہ کو دو یرغمالیوں کے بارے میں اچھی خبریں دے گا۔ خیال رہے کہ وزیر اعظم عمران خان اور امریکی صدر ڈونلڈ ٹرمپ کے مابین وائٹ ہاؤس میں ون آن ون ملاقات جاری ہے اس ملاقات کو کافی اہم نظروں سے دیکھا جا رہا ہے۔