ڈونلڈ ٹرمپ کی نائب معاون خاتون نے پاکستانی حکمرانوں کو حیران کر ڈالا

اسلام آباد(مانیٹرنگ ڈیسک) امریکی صدرڈونلڈ ٹرمپ کی نائب معاون نیشنل سکیورٹی کونسل برائے جنوبی ایشیا لیزا کرٹس نے کہا ہے پا کستا ن میں منی لانڈرنگ و دہشت گر د وں کی فنڈنگ روکنے کے نظام کے نفاذ میں خامیاں ہیں،ان خیالات کا اظہارانہوں نے گزشتہ روزاپنے دورے کے دوران سیکرٹری خارجہ تہمینہ جنجوعہ اوردیگر پاکستانی حکام سے وفد کے ہمراہ ملاقاتوں میں کیا،جس میں دو طرفہ تعلقات سمیت باہمی دلچسپی کے امور پر بات چیت کی گئی۔امریکی سفارتخانے نے لیزا کرٹس اور پاکستانی اعلیٰ حکام کے درمیان ملاقاتوں کے حوالے سے جاری کردہ اعلامیہ میں کہا ہے لیزا کرٹس نے انسداد دہشت گردی میں پاکستان کی نمایاں قربانیوں کا اعتراف کیااورکہا پاکستان اپنی زمین پر حقانی نیٹ ورک اور دیگر دہشت گردوں کی موجودگی پر توجہ دے، پاکستان میں منی لانڈرنگ و دہشت گردوں کی فنڈنگ روکنے کے نظام کے نفاذ میں خامیاں ہیں۔ امریکہ پاکستان کیساتھ مشترکہ عزم پر مبنی نئے تعلقات کی جانب گامزن ہوناچاہتا ہے، مل کر علاقائی استحکام وسلامتی کیلئے بننے والے دہشت گرد گروہوں کو شکست دیں گے۔لیزا کرٹس نے کہا دہشت گرد گروہ افغانستان کے پْرامن مستقبل کے مشترکہ خواب کیلئے بھی خطرہ ہیں، جنوبی ایشیا پر امریکی حکمت عملی مستحکم و پرامن افغانستان کے موقع کی عکاس ہے، افغانستان میں امن کا موقع جنوبی ایشیا میں داعش کو ہرانے میں مدد گار ہوگا جبکہ افغانستان میں قیام امن افغان مہاجرین کی باعزت وطن واپسی میں بھی مددگار ہوگا۔