پنجاب: مختلف ضلعیاں وچ سرچ آپریشن، 41 افراد گرفتار

لاہور (مانیٹرنگ رپورٹ)پنجاب دے مختلف اضلاع وچ پلس رات گئے کیتے آپریشن دے دوران 41 ملزمان نوں گرفتار جد کہ خاتون سمیت مشتبہ افراد نوں حراست وچ لے لیا۔ ملزمان دے قبضے چوں اسلحہ تے منشیات وی برآمد کیتیا گیا۔ جمعرات تے جمعے دی درمیانی رات پنجاب پلس نے وہاڑی، بھکر، حافظ آباد، لودھراں تے رحیم یار کاں وچ کاروائی کیتی۔ ڈی پی او وہاڑی عمر سعید ملک دے مطابق وہاڑی دے علاقے میتلہ چوک مترو، ٹبہ سلطان پور، دوکوٹہ تے ٹھنگی وچ سرچ آپریشن دے دوران 24 ملزمان گرفتار کرکے انہاں دے قبضے چوں اسلحہ تے بھاری مقدار وچ منشیات برآمد کیتی گئی، گرفتار افراد وچ 18 اشتہاری ملزمان وی شامل سن۔ بھکر وچ سرائے مہاجر تے دلے والا وچ سرچ آپریشن دوران 17 مشتبہ افراد نوں حراست وچ لیا گیا۔ حافظ آباد وچ پلس نے مختلف جرائم وچ ملوث 16 ملزمان نوں گرفتار کیتا۔ رحیم یار خان دی تحصیل خان پور دے مختلف علاقیاں وچ سرچ آپریشن دے دوران اک خاتون سمیت 6 مشکوک افراد نوں حراست وچ لے لتا گیا۔ لودھراں دے چک نمبر 368 ڈبلیو بی دنیا پور وچ سرچ آپریشن دے دوران پلس نے اک ملزم نوں گرفتار جد کہ مشتبہ افراد نوں حراست وچ لے لیا۔