خیبر پختونخواں میں فائرنگ۔ پاک فوج کے کتنے جوان شہید ہوئے جان کر آپ کو بھی افسوس ہو گا

راولپنڈی(مانیٹرنگ ڈیسک): خیبر پختون خوا میں فائرنگ سے پاک فوج کے 4 جوان شہید اور ایک زخمی ہوگیا۔قبائلی ضلع شمالی وزیرستان اور خیبر پختونخوا کے ضلع دیر میں فائرنگ سے پاک فوج کے 4 جوان شہید اور ایک زخمی ہوگیا۔ آئی ایس پی آر کی جانب سے جاری بیان کے مطابق گزشتہ رات دیر گئے قبائلی ضلع شمالی وزیرستان کے علاقے سپین وام میں اباخیل کے قریب سیکیورٹی فورسز کی پارٹی معمول کی گشت پر تھی کہ شرپسندوں نے اس پر فائرنگ کردی۔فائرنگ کے تبادلے میں پاک فوج کا سپاہی اخترحسین شہید جبکہ جوابی کارروائی میں 2 شرپسند بھی مار ے گئے، 23 سالہ سپاہی اختر حسین کا تعلق ڈسٹرکٹ بلتستان سے تھا۔ بیان کے مطابق دوسرا واقعہ دیر میں پیش آیا جہاں پاک افغان سرحد پر دہشت گردوں نے باڑ لگانے میں مصروف پاک فوج کے دستوں پر فائرنگ کی جس سے 3 فوجی جوان شہید جبکہ ایک زخمی ہوگیا۔ شہید ہونے والوں میں لانس نائیک سید امین آفریدی، لانس نائیک محمد شعیب سواتی اور سپاہی کاشف علی شامل ہیں۔