لاہور (مانیٹرنگ رپورٹ)پاکستان تحر یک انصاف دے سربراہ دی نااہلی توں متعلق سپریم کورٹ وچ درخاستاں دی سماعت دے دوران عمران خان دے وکیل نے تسلیم کیتا ہے کہ انہاں دے موکل ولوں آف شور کمپنی نیازی سروسز نوں اثاثیاں وچ ظاہر نہ کرنا اک غلطی سی اینج جان ب±جھ کے نہیں کیتا گیا۔ بی بی سی اردو دے شہزاد ملک دے مطابق عمران خان دے وکیل نعیم بخاری دا آکھنا سی کہ آف شور کمپنی دا ماملہ فیڈرل بورڈ آف ریونیو دے کول ہے تے جداں تک ایس دا فیصلہ نہیں ہوندا ایس وقت تک انہاں دے موکل دی نااہلی دا معاملہ سپریم کور

ٹ وچ نہیں لایا جا سکدا۔ انہاں نے آکھیا کہ جے انہاں ے ولوں ٹیکس ریٹرن جمع نہ کروان یا ٹیکس ادا نہ کرن دا معاملہ ہوندا تے فیر انہاں دے موکل دی نااہلی دا معاملہ زیر بحث لیایا جا سکدا سی۔ بدھ نوں چیف جسٹس میاں ثاقب نثار دی سربراہی وچ سپریم کورٹ دے تِن رکنی بینچ نے حکمران جماعت پاکستان مسلم لیگ نواز دے رہنما حنیف عباسی ولوں اثاثے ل±کان تے عمران خان نوں نااہل قرار دین توں متعلق درخاست دی سماعت کیتی۔ نامہ نگار شہزاد ملک دے مطابق سماعت دے دوران ایس تِن رکنی بینچ وچ شامل جسٹس فیصل عرب نے پاکستان تحریک انصاف دے سربراہ دے وکیل نوں مخاطب کردے ہوئے آکھیا کہ آف شور کمپنی نوں ظاہر نہ کرنا غلطی ہے جداں کہ ایس توں پہلے ت±ساں نے موقف اختیار کیتا سی کہ آف شور کمپنی ظاہر کرنا ضروری نہیں سی تے ایس طراں تے اوہ اپنے دلائل دی خود نفی کر رہے نیں۔ بینچ دے سربراہ نے عمران خان دے وکیل توں استفسار کیتا کہ آف شور کمپنی بنان نال ٹیکس بچان دے علاوہ ہور کیہ فیدے ہوندے نیں جس تے نعیم بخاری دا آکھنا سی کہ کمپنی بنان دا مقصد ’کیپیٹل گین ٹیکس‘ بچانا ہے۔ انہاں نے آکھیا کہ 2015 وچ نیازی سروسز کمپنی خود بخود ختم ہو گئی سی۔ بینچ وچ موجود جسٹس عمر عطا بندیال نے استفسار کیتا کہ جداں نیازی سروسز دی صرف اک ہی پراپرٹی سی جو کہ لندن فلیٹ سی ایس دے علاوہ ایس وچ عمران خان دی بھیناں دا کوئی مفاد نہیں سی تے فیرایس نوں اینی دیر زندہ کیوں رکھیا گیا؟ ایس تے عمران خان کے وکیل دا آکھنا سی کہ لندن فلیٹ دا ماملہ عدالت عظمیٰ وچ زیر سماعت سی ایس لئی ایس کمپنی نوں زندہ رکھیا گیا۔ عدالت دے استفسار تے نعیم بخاری آکھیا کہ آف شور کمپنی دا ریکارڈ عام نہیں کیتا جاندا۔ سپریم کورٹ نے عمران خان دے وکیل توں پ±چھیا کہ بنی گالہ دی اراضی دی خریداری وچ پاکستان تحریک انصاف دے سربراہ دی سابق اہلیہ جمائمہ خان(گولڈ سمتھ) ولوں جو رقم گھلی گئی ہے ایس دی منی ٹریل نامکمل ہے تے فیر عدالت ایس تے کس طراں انحصار کرے جس تے نعیم بخاری دا آکھنا سی کہ جونہی انہاں دے کول ثبوت آن گے اوہ عدالت وچ جمع کروا دین گے۔