اسلام آباد(مانےٹرنگ رپورٹ) سابق وزیر داخلہ رحمٰن ملک نے وزیراعظم نواز شریف نوں خط لکھ کے وکی لیکس الزاماں دی تحقیقاں لئی جوڈیشل کمیشن دی تشکیل دا مطالبہ کردتا۔ خیال رہے کہ وکی لیکس ولوں دعویٰ کیتا گیا سی کہ رحمٰن ملک دے دور وچ امریکہ نوں پاکستان دے قومی شناختی ڈیٹا بیس (نادرا) تک رسائی دتی گئی۔اینج جاپدا ہے ملک ہوراں نوں پتہ ہے پئی ہر پدر تے رسائیاں تے مشرفی دور توں دتیاں گیاں سن کہ پاکستان وچ مارشلائ ہمیش باہرلیاں دے مفاداں لئی لگدے رہے نیں۔کیس بنے گا تے ایوبی دور توں مشرفی دور تیک کیتے سار

ے خفیہ کماں بارے قوم نوں سچ دسنا پئے گا۔ پارلیمنٹ دے باہر میڈیا نال گل کردے ہوئے پاکستان پیپلز پارٹی (پی پی پی) دے سینیٹر رحمٰن ملک نے 6 جون نوں سامنے آن والی وکی لیکس دی ٹوئیٹ تے اپنے ردعمل دا اظہار کیتا۔ چیتے رہے کہ ایس ٹوئیٹ وچ 2011 وچ لیک ہون والی اوس دستاویز دا کجھ حصہ شامل ہے، جس وچ امریکی ہوم لینڈ سیکیورٹی ڈپارٹمنٹ دے سیکریٹری جینٹ نیپو لیتا اتے رحمٰن ملک سمیت اعلیٰ پاکستانی وڈے افسراں دی ملاقاتاں دا ذکر سی۔ رپورٹ نوں 'مکمل طور تے بے بنیاد، جھوٹی تے من گھڑت' قرار دیندے ہوئے سابق وزیر داخلہ دا کہنا سی کہ 'کسی وی ملک نوں نیشنل ڈیٹا بیس اینڈ رجسٹریشن اتھارٹی (نادرا) دے ریکارڈز تک رسائی نہیں دتی گئی'۔ انہاں نے ایہہ دعویٰ وی کیتا کہ بحیثیت وزیر داخلہ انہاں نے ہمیش پاکستانی شہریاں دے سفری ریکارڈز تک رسائی دی درخواستاں مسترد کیتاں۔ رحمٰن ملک نے موجودہ وزیر داخلہ چوہدری نثار علی خان نوں 'ایس جھوٹی خبر دی تحقیق کرن دا آکھیا کیونجے ایہہ انہاں لئی ہی نہیں سگوں ہور بیشتر پاکستانیاں لئی گہری تشویشاں دا باعث ہے'۔ رحمٰن ملک دا کہنا سی کہ موجودہ نادرا چیئرمین عثمان مبین، جو اوس وقت چیف ٹیکنیکل آفسر سن، توں وی ایس گل دی تصدیقاں کیتی جاسکدیاں نیں کہ کیہ کسی ملک نوں ایہو جہی رسائی فراہم کیتی گئی سی۔ دوجے پاسے وکی لیکس دی 2009 دی کیبل وچ ایہہ دعویٰ کیتا گیا ہے کہ رحمٰن ملک، اوس وقت دے سیکریٹری داخلہ کمال شاہ تے وفاقی تحقیقاتی ایجنسی (ایف آئی اے) دے ڈائریکٹر طارق کھوسہ نے امریکی ہوم لینڈ سیکیورٹی ڈپارٹمنٹ دے سیکریٹری جینٹ نیپو لیتا نوں آکھیا کہ اسی پاکستان توں امریکہ تے کینیڈا دا سفر کرن والے افراد دی تفصیلاں شیئر کرن دے امکاناں دا جائزہ لے رہے نیں۔