اسلام آباد وچ وی فوڈ اتھارٹی: ہوٹلاں والے ہشیار
تحریر: فضل حسین اعوان
| شائع اپریل 11, 2017 | 11:35 صبح
اسلام آباد(مانیٹرنگ رپورٹ)اسلام آباد دے مئیر کیپٹل ڈویلپمنٹ اتھارٹی (سی ڈی اے) دے چیئر مین شیخ عنصر عزیز ہوراں اسلام آبادیاں نوں فوڈ اتھارٹی بناون دی خبر دتی ہے۔ اوہ سٹریٹ فوڈ سیفٹی پروگرام نامی پراجیکٹ دا فیتہ کٹ رہے سن جس نوں اقوام متحدہ دے ادارے فوڈ اینڈ ایگری کلچر آرگنائشن (FAO) فنڈ کیتا ہے۔ فوڈ اتھارٹی معیاری خوراک نوں ممکن بنائے گی اتے نری صحت مند غذاواں ہی مارکیٹ وچ وکن گیاں۔ ایف اے او دے پاکستانی پردھان پیٹرک ایوانز ہوراں وی معیاری فوڈ بارے گل کیتی اتے آکھیا ایس حدف نوں اساں سب رل مل
کے ہی حاصل کرسکدے ہاں۔ جیہڑے لوک سٹریٹ فوڈ دے کاروبار وچ نیں انہاں نوں نال رلانا ہوسی۔ ہوسکدا ہے نویں فوڈ اتھارٹی عائشہ ممتاز نوں وی درآمد کرن بارے غور کرے کہ ہن پنجاب وچ تے انہاں دا کم فوڈ اتھارٹی سنبھال لتا ہے۔
