ویچارا سراج الحق: ججاں، جرنیلاں تے بیوروکریٹاں دا احتساب کرو
تحریر: فضل حسین اعوان
| شائع اگست 21, 2017 | 11:24 صبح
لاہور(مانیٹرنگ رپورٹ)اج اک جلسے وچ بھاشن دیندے ہوئے جماعت اسلامی دے امیر سراج الحق ہوراں آکھیا پئی ہن نواز توں بعد ججاں، جرنیلاں تے بیوروکریٹاں دا احتساب شروع کیتا جائے۔جے طاقتور اں تے امیراں تے قنون نہیں لگ سکدا تے ماڑے کیوں قنون تے چلن گے۔سراج ہوری ایس توں پہلاں ایہہ آکھ چکے نیں پئی نواز بعدوں عدالت پانامہ دے باقی499 بندیاں دا احتساب کرے گی جنہاں دے ناں پانامہ وچ آئے سن۔پر انہاں نوں پتہ ہونا لوڑی دا ہے پئی اپریل تے جولائی دے عدالتی فیصلیاں وچ ایس بارے اک نکا جیہا اشارہ وی نہیں ہے۔منصورہ وال
ے یا تے بہوں سدھے نیں یا ہمش وانگ لوکاں نوں کراہے پا رہے نیں۔پاکستان دی تریخ گواہ ہے پئی احتسابی کھیڈ ہمشہ وانگ دوجے پہلوان نوں ڈیگن لئی ورتیا جاندا ہے۔ساڈی اشروفیہ وار وار ایہہ کھیڈ رچاندی آئی ہے۔ایہہ پہلی وار تے نہیں ہویا اتے ایس کھیڈ پاروں پاکستان ہمش اندروں کمزور ہویا ہے۔
