لاہور(مانیٹرنگ رپورٹ)رکن قومی اسمبلی اتے پی پی پی، مسلم لیگ (ن) تے پی ٹی آئی چھڈن والے جمشید دستی اج کل اک مقدمہ دے سلسلہ وچ پھڑیچے ہوئے نیں۔ انہاں اج پیشی بعدوں پلس وین وچوں میڈیا نال فلمی انداز وچ گل بات کیتی اتے فیر عمران خان نے انہاں دے حق وچ بیان دے دتا۔دستی ہوراں آکھیا کہ انہاں تے بہوں زیادہ تشدد ہویا۔ایس بیان دے جواب وچ پنجاب دے قنون دے وزیر رانا ثنا اللہ نے میڈیکل بورڈ بناون دا اعلان کر دتا۔میڈیکل بورڈ پارون پتہ چل جا سی کہ دستی تے کڈا ظلم ہویا ہے تے کڈا تشدد۔جمشید دستی نوں کون چلاندا

ہے؟ ایس بارے سوال زیادہ نیں۔اوہ ہر ویلے کیوں خبراں وچ رہنا چاہندے نیں۔اوہ جعلی ڈگری وچ اسمبلی توں نکلے سن پر اج کل میڈیا وچ ان نیں۔ جداں انہاں نون کجھ نہیں لبھدا تے اوہ کدی مختاراں مائی خلاف علم چک لیندے نیں تے کدی ایہہ دسدے نیں کیہ اسمبلی ممبر شراباں پیندے نیں۔پچھلے دناں انہاں اک نہر دا پانی زبردستی کھول دتا سی اتے ہن اوسے حوالے نال مقدمہ بھگت رہے نیں۔کڈے ملزم نیں جیہڑے پلس وین توں میڈیا نال گل بات کر سکدے نیں ایہہ اساں سب جاندے ہاں۔پر کیونجے میڈیا نون انہاں تے مہربان رکھیا ہویا ہے تاں مارے میڈیا اجہے سوال نہیں چکدا۔