لاہور(مانیٹرنگ رپورٹ) پی ٹی آئی دے لیڈر اتے وکیلاں دی سیاست دے کھڑپینچ حامد خان گروپ دے امیدواراں نوں سپریم کورٹ بار دی چوناں وچ شکستاں پارٹی اتے گروپ دی پوزیشن خراب ہون دا لشکارا۔حلانکہ حامد خان ہوراں وکیلاں نوں لوبھ دیندے ہوئے انتخابی مہماں وچ آکھیا سی پئی جے وکیلاں تے ججاں وچ لڑائیاں ہون گیاں تے اساں وکیلاں دا ساتھ دواں گے۔پر لگدا ہے پئی سپریم کورٹ بار دے وکیلاں نوں ایہہ لوبھ چنگا نہیں لگیا۔ حامد ہوری ایہہ وی آکھ سکدے سن پئی جے وکیلاں تے ججاں وچ جھیڑے ہوئے تے اساں انصاف دے نال ہواں گے پر چ

وناں جتن دا ماملہ سی تاں مارے انہاں بڑک لا دتی۔ھامد خان گروپ دا صدر وی ہار گیا اتے سیکٹری وی جت نہ سکیا۔جتن والے پردھان وکیل پیر کلیم خورشید نوں عاصمہ جہانگیر گروپ دی حمائیتاں سن۔ہارن والے امیدوار حافظ عبدالرحمن انصاری دا سانگا حامد خان دے پروفیشنل گروپ نال سی۔سیکٹری لئی پروفیشنل گروپ دے امیدوار میاں محمد اسلم سن جنہاں نوں عاصمہ جہانگیر گروپ دے حمائیتاں نال لڑن والے صفدر حسین تاڑڑ نے بھیڑی شکستاں دتیاں۔خبراں وچ دسیا گیا ہے پئی حامد خان گروپ دا پورے دا پورا پینل ہار گیا۔